വാട്ടു കപ്പ വേവിച്ചത്.
1 .വാട്ടു കപ്പകുതിര്‍ത്തത് അര കിലോ. 2 .വന്‍ പയര്‍ ഒരു കപ്പ്. 3 .തേങ്ങ ചിരകിയത് ഒരു കപ്പ്
4 മഞ്ഞള്‍ പൊടി ഒരു ടീ സ്പൂണ്‍ 5. കാ‍ന്താരി മുളക് രണ്ടു വലിയ സ്പൂണ്‍. 6 . വെളുത്തുള്ളി പത്തല്ലി
7 . ഉപ്പ് പാകത്തിന്. താളിയ്ക്കാന്‍ - ശുദ്ധ വെളിച്ചെണ്ണ കാല്‍ കപ്പ് , ചുവന്നുള്ളി അഞ്ചെണ്ണം ,
വറ്റല്‍ മുളക് മൂന്നു , കടുക് ഒരു സ്പൂണ്‍ , ജീരകം ഒരു സ്പൂണ്‍ , കറി വേപ്പില രണ്ടു തണ്ട്.
പാചക വിധി - കുതിര്‍ത്ത കപ്പ ഇരട്ടി വെള്ളം ചേര്‍ത്ത് വേവിയ്ക്കണം. വെന്തതിനു ശേഷം ബാക്കി വെള്ളം വാര്‍ന്നു കളയുക. വേവിച്ച വന്‍ പയര്‍ കപ്പയുമായി യോജിപ്പിയ്ക്കുക ശേഷം മൂന്നു മുതല്‍ ആറു വരെ ചേരുവകള്‍ നന്നായി ചതച്ചു ചേര്‍ക്കുക പാകത്തിന് ഉപ്പും ചേര്‍ത്ത് രണ്ടു മിനിറ്റ് ചെറിയ തീയില്‍ വേവിയ്ക്കുക. എണ്ണ ചൂടാക്കി ചേരുവകള്‍ ചേര്‍ത്ത് താളിച്ച്‌ കപ്പയില്‍ ചേര്‍ത്ത് നന്നായി ഇളക്കി ചൂടോടെ വാഴ ഇലയിലേക്ക് വിളമ്പി നടുവില്‍ ഒരു കുഴി കുത്തി അതിലേയ്ക്ക് മീന്‍ ചാര്‍ ഒഴിയ്ക്കുക.
ആറ്റു പരല്‍ മീന്‍ കറി.
പെടയ്ക്കുന്ന പരല്‍ മീന്‍ ഒരു കോര്മ്പല്‍ ( ഏകദേശം ആറ് ഏഴെണ്ണം ) 1 . വെളിച്ചെണ്ണ അര കപ്പ് 2 . കടുക് , ഉലുവ ഓരോ വലിയ സ്പൂണ്‍. 3 . ഇഞ്ചി രണ്ടു കഷണം 4 . വെളുത്തുള്ളി ഒരു ചെറിയ കുടം 5 . കുടം പുളി ഏഴു കഷണം 6 . ഉപ്പു പാകത്തിന് 7 .മുളക് പൊടി അഞ്ചു സ്പൂണ്‍ 8 . മഞ്ഞള്‍ പൊടി ഒരു ചെറിയ സ്പൂണ്‍ , കറി വേപ്പില
പാചക വിധി - മീന്‍ ചട്ടിയില്‍ വെളിച്ചെണ്ണ ചൂടാക്കി കടുക് ഉലുവ എന്നിവ പൊട്ടിയ്ക്കുക അതിലേയ്ക്ക് ഇഞ്ചി നീളത്തില്‍ അരിഞ്ഞത് വെളുത്തുള്ളിയും ചേര്‍ത്ത് വഴറ്റുക ഇതിലേയ്ക്ക് പൊടികള്‍ രണ്ടും ചേര്‍ത്ത് ചെറിയ തീയില്‍ മൂപ്പിയ്ക്കുക പച്ച മണം മാറി അരപ്പ് മൂക്കുമ്പോള്‍ കുടം പുളി , ഉപ്പ് , പാകത്തിന് വെള്ളംഇവ ചേര്‍ത്ത് നല്ലത് പോലെ തെളയ്ക്കുമ്പോള്‍ വെട്ടി കഴുകിയ മീന്‍ കഷണങ്ങള്‍ ചേര്‍ത്ത് വീണ്ടും നന്നായി തെളയ്ക്കുമ്പോള്‍ കറിവേപ്പില ചേര്‍ത്ത് ചാറു പറ്റി എണ്ണ തെളിയുമ്പോള്‍ വാങ്ങുക.
മണ്‍ ചട്ടിയും വിറക് അടുപ്പുമാണേല്‍ കലക്കി.
പിറ്റേന്ന് കാലത്ത് പഴം കഞ്ഞിയ്ക്ക് അത്യുത്തമം .
കുടിയ്ക്കാന്‍ നല്ല വാറ്റു ചാരായം (ഈസ്റ്റ് ചേര്‍ക്കാതെ കള്ള് ചേര്‍ത്ത് വാറ്റി എടുത്തത് ) കിട്ടിയാല്‍ അതില്‍ പരം ഭാഗ്യം ഇല്ല! ഒന്ന് മോന്തി സ്വല്പം ചാറു തൊട്ടു നക്കി ഇത്തിരി മീന്‍ അടര്‍ത്തി കപ്പയും ചേര്‍ത്ത് നാക്കേല്‍ വച്ച് മെല്ലെ ചവച്ച് ഇറക്കുക.
ആദ്യം കക്കാട്ടാറില്‍ ഒരു വിസ്താര കുളി വിശപ്പിനു നന്ന്! പക്ഷെ ശ്രദ്ധ വേണം നല്ല വഴു വഴുപ്പുള്ള ഉരുളന്‍ പാറ കല്ലുകള്‍ നിറയെ പാരകളായി ഉണ്ട്.
അണിയറ .
പാചക നിര്‍ദ്ദേശം ഉഷാ കുമാരി.
സാങ്കേതികം (ച്ചാല്‍ ..ഗതാഗതം ...തീറ്റി ..കുടി...കുളി...) പുളിമൂടന്‍ ഷാജി, മധു പിള്ള , ഫിലിപ്പ് അച്ചായന്‍
വിധി പ്രകാരം കഷ്ടപ്പെട്ട് ഉണ്ടാക്കിയ ജോര്‍ജിനോടും കുശിനികാരന്‍ ചേട്ടനോടും കടപ്പാടും സ്നേഹവും. (ഈ വീടല്ലാതെ ഒരാശ്രയം ആ വഴി ഇത്തിരി പാടാ...കടകളും കമ്മി )
അഭിപ്രായങ്ങള്‍ക്കും സൃഷ്ടികള്‍ക്കും (കമന്റിലൂടെയോ അല്ലാതെയോ) മാന്യ വായനക്കാരോടും സഹകാരികളോടും വീണ്ടും വീണ്ടും അഭ്യര്‍ത്ഥന...ഏതെല്ലാം സ്ഥലങ്ങള്‍ പാചകങ്ങള്‍ പാനീയങ്ങള്‍ നിങ്ങള്‍ക്ക് അറിയാവുന്നത്ര ആര്‍ക്ക് അറിയാം?
4 അഭിപ്രായങ്ങൾ:
"കുടിയ്ക്കാന്‍ നല്ല വാറ്റു ചാരായം (ഈസ്റ്റ് ചേര്‍ക്കാതെ കള്ള് ചേര്‍ത്ത് വാറ്റി എടുത്തത് ) കിട്ടിയാല്‍ അതില്‍ പരം ഭാഗ്യം ഇല്ല! ഒന്ന് മോന്തി സ്വല്പം ചാറു തൊട്ടു നക്കി ഇത്തിരി മീന്‍ അടര്‍ത്തി കപ്പയും ചേര്‍ത്ത് നാക്കേല്‍ വച്ച് മെല്ലെ ചവച്ച് ഇറക്കുക" ഓഹ് വായില്‍ വെള്ളം വന്നു ഇഷ്ടാ!!!!!!!!!!!!!!!!
:)
Kalakki..!!!
um sangathy nadakkatte.....
ഒരു അഭിപ്രായം പോസ്റ്റ് ചെയ്യൂ